Bugungi kunda talaba-yoshlarning ijodiy salohiyatini qo‘llab-quvvatlash, ularning ma’naviy dunyoqarashini kengaytirish hamda madaniy faolligini oshirishga alohida e’tibor qaratilmoqda. Shu maqsadda Andijon viloyati Yoshlar markazida “Talabalar teatr studiyalari” ko‘rik-festivali hamda “Ilhom” mukofoti g‘oliblarini taqdirlash marosimi o‘tkazildi.
Tadbirni Talaba va o‘quvchilarning ijtimoiy faolligini oshirish markazi direktori Abdumalik Akramov ochib berib, teatr san’atining yoshlar tarbiyasidagi o‘rni va ularni qo‘llab-quvvatlash borasidagi islohotlar haqida to‘xtaldi.
Festival yakunlariga ko‘ra, “Talabalar teatr studiyalari” yo‘nalishida Termiz davlat universitetining “Janub gavhari” va Buxoro davlat tibbiyot institutining “Avitsena” jamoalari 1-o‘rinni egalladi. Shuningdek, bir qator nominatsiyalar bo‘yicha ham g‘oliblar aniqlanib, ularga diplom, statuetka va pul mukofotlari topshirildi.
Taqdirlash marosimi davomida tashkilotchilar va hakamlar hay’ati a’zolariga ham minnatdorlik bildirildi.
