Toshkent viloyatining Bo‘stonliq tumanidagi “Olmos” konvension markazida umumiy o‘rta ta’lim maktablari o‘qituvchilari o‘rtasida “Eng yaxshi huquq o‘qituvchisi” ko‘rik-tanlovining respublika bosqichi bo‘lib o‘tdi.
Mazkur nufuzli tanlovda Qiziriq tumanidagi 32-son umumiy o‘rta ta’lim maktabi huquq fani o‘qituvchisi Dilrabo Sa’dullayeva yuksak mahorat va bilim namoyon etib, faxrli 2-o‘rinni qo‘lga kiritdi.
Tanlov davomida ishtirokchilar test sinovlari, huquqiy bilimlar bo‘yicha blits-savollar hamda taqdimot shartlari asosida o‘zaro bellashdilar. Dilrabo Xayrullayevnaning bu muvaffaqiyati ta’lim tizimi hamda pedagoglar uchun munosib e’tirof bo‘ldi deyish mumkin.
