Termiz shahrida o‘tkazilgan “INFOTEACH – 2026” respublika forumi doirasida Surxondaryodagi 450 dan ortiq informatika fani o‘qituvchilarining bilim va malakalari oshirildi.
Forumda tajribali mentorlar tomonidan zamonaviy raqamli platformalardan foydalanish, Python dasturlash asoslari, kiberxavfsizlik, raqamli mas’uliyat hamda loyiha asosida o‘qitish metodikasi bo‘yicha amaliy treninglar va mahorat darslari tashkil etildi.
Mazkur forum o‘qituvchilarning zamonaviy IT ko‘nikmalarini mustahkamlash, ta’lim sifatini oshirish hamda yoshlarni raqamli texnologiyalar asosida tayyorlashda muhim ahamiyat kasb etmoqda.
