Yozgi dam olish mavsumi oldidan bolalar oromgohlarida keng ko‘lamli tayyorgarlik ishlari olib borilmoqda. Hududlarni obodonlashtirish, yotoqxona va oshxonalarni ta’mirlash, sport maydonchalari hamda suzish havzalarini mavsumga tayyorlash ishlari jadallashgan.
Shuningdek, bolalar xavfsizligini ta’minlash maqsadida yong‘in xavfsizligi tizimlari tekshirilib, tibbiyot punktlari zarur vositalar bilan jihozlanmoqda. Tarbiyachilar uchun seminar-treninglar tashkil etilib, mazmunli yozgi dam olish dasturlari ishlab chiqilmoqda.
Bu yil oromgohlarda sport musobaqalari, ijodiy va ekologik tadbirlar hamda ko‘ngilochar dasturlarni o‘tkazishga alohida e’tibor qaratilmoqda.
