Surxondaryoda aholi bandligini ta’minlash va ishlab chiqarish salohiyatini oshirishga qaratilgan amaliy ishlar izchil davom etmoqda. Ana shunday loyihalardan biri sifatida Termiz xalqaro savdo markazida yangi tikuvchilik korxonasi faoliyati yo‘lga qo‘yildi.
Viloyat hokimining topshirig‘iga asosan savdo markazining avval foydalanilmay kelgan yerto‘la qismida “Qumtex invest” MChJ tomonidan 250 ish o‘rniga ega zamonaviy tikuvchilik korxonasi tashkil etildi. Korxonada tikish-bichish yo‘nalishida tajribaga ega xotin-qizlar, jumladan nogironligi bo‘lgan fuqarolar uchun ham inklyuziv mehnat sharoitlari yaratildi.
Mazkur loyiha nafaqat yangi ish o‘rinlari yaratish, balki xotin-qizlar bandligini ta’minlash, ularning ijtimoiy faolligini oshirish va oilalar daromadini ko‘paytirishda ham muhim ahamiyat kasb etmoqda.
