“Inson uchun” festivali doirasida nogironligi bo‘lgan shaxslarning kasbiy salohiyati va bandligini qo‘llab-quvvatlashga qaratilgan “Abilympics — Imkoniyatlar olimpiadasi”ga tantanali start berildi. Unda Surxondaryo viloyatidan 7 nafar ishtirokchi 13 ta yo‘nalish bo‘yicha o‘z bilim va mahoratini sinovdan o‘tkazmoqda.
Mazkur tanlov ishtirokchilarning kasbiy ko‘nikmalarini baholash, iqtidorli mutaxassislarni aniqlash hamda ish beruvchilar bilan hamkorlikni kengaytirish orqali ularning bandligini ta’minlashga xizmat qiladi.
“Abilympics” nafaqat musobaqa, balki imkoniyatlarni kengaytiruvchi, iqtidorlarni yuzaga chiqaruvchi va mehnat bozoriga yo‘l ochuvchi muhim platforma sifatida ahamiyat kasb etadi. Bu yerda cheklovlar emas, imkoniyatlar ustuvor ekani yaqqol namoyon bo‘lmoqda.
