Nuroniylar, yoshlar va o‘rta avlod vakillarining birgalikdagi uchrashuvlari hamjihatlikni mustahkamlab, milliy qadriyatlar davomiyligini ta’minlashda muhim o‘rin tutadi. Ayniqsa, birgalikdagi sayohatlar avlodlar o‘rtasida tajriba almashish, tarix va madaniyatimizga hurmat tuyg‘usini yanada kuchaytiradi.
Shu maqsadda Uzun tumanidan nuroniylar, yoshlar, deputatlar hamda pedagoglardan iborat jamoa Samarqand va Buxoro viloyatlariga yo‘l oldi. Sayohat davomida ishtirokchilar tarixiy obidalar, muqaddas qadamjolar va diqqatga sazovor maskanlar bilan yaqindan tanishadilar. Mazkur tashrif ichki turizmni rivojlantirish, yurtimizning boy madaniy merosini targ‘ib qilish hamda avlodlar o‘rtasidagi birdamlikni yanada mustahkamlashga xizmat qiladi.
