Armanistonning Yerevan shahrida bo‘lib o‘tgan parasambo bo‘yicha jahon kubogi bellashuvida vatandoshimiz Isoqjon Abduraxmonov yuksak mahorat namoyon etib, faxrli 2-o‘rinni qo‘lga kiritdi.
Musobaqa o‘ta kuchli raqobat ostida o‘tgan bo‘lib, sportchimiz o‘zining texnik tayyorgarligi, chidamliligi va qat’iyatini namoyish etgan holda final bosqichiga qadar yetib bordi. Uchrashuvlar davomida Isoqjon Abduraxmonovning professional yondashuvi va jangovar ruhi uning yuqori sport mahoratga ega ekanini yana bir bor tasdiqladi.
Ushbu natija nafaqat sportchining shaxsiy yutug‘i, balki mamlakatimizda parasportni rivojlantirish, imkoniyati cheklangan sportchilarga yaratilayotgan sharoitlarning samarali natijasidir. Jahon miqyosidagi bunday muvaffaqiyatlar yurtimiz sportining nufuzi oshib borayotganidan dalolat beradi.
