Surxondaryo Volontyorlar maktabining 9-mavsum ochilish marosimi ko‘tarinki ruhda tashkil etildi. Tadbirni viloyat Yoshlar ishlari boshqarmasi mutaxassisi Mengto‘rayeva Laylo ochib berib, volontyorlikning jamiyatdagi o‘rni va yoshlar uchun yaratilayotgan imkoniyatlarga alohida to‘xtaldi.
Yangi mavsumga 80 nafardan ortiq tashabbuskor yoshlar jalb etilgani volontyorlik harakatiga qiziqish ortib borayotganini ko‘rsatadi. Dastur doirasida ishtirokchilar uchun jamoaviy mashg‘ulotlar va interaktiv tadbirlar tashkil etildi.
Mazkur loyiha yoshlarning ijtimoiy faolligini oshirish, jamiyatda hamjihatlikni mustahkamlash hamda ijtimoiy tashabbuslarni qo‘llab-quvvatlashda muhim ahamiyat kasb etadi.
