Koreya Respublikasidan Web Technologies yo‘nalishi bo‘yicha bosh ekspert janob Ryu tomonidan bildirilgan yuksak e’tirof Termiz shahar 2-son texnikumi uchun muhim voqea bo‘ldi.
U o‘z maktubida texnikum o‘qituvchisi Kholmurodov Xumoyun Shodmonovich qisqa muddatda WorldSkills Uzbekistan rasmiy veb-saytini deyarli to‘liq ishlab chiqqanini hamda xalqaro darajadagi test loyihalarida samarali ishtirok etganini alohida ta’kidladi. Eng e’tiborlisi, yaratilgan sayt darajasi hatto Koreyada ham kam uchrashini yuqori baholadi.
Mazkur e’tirof — nafaqat bir o‘qituvchining yutug‘i, balki O‘zbekiston yoshlari va mutaxassislarining xalqaro maydondagi raqobatbardosh salohiyatini ko‘rsatadi. Bu esa mamlakatimizda raqamli texnologiyalar va kasbiy ta’lim rivojiga berilayotgan e’tibor natijasining yorqin ifodasidir.
Shuningdek, koreyalik ekspert o‘zbekistonlik yoshlarning WorldSkills harakatidagi ishtirokini yuqori baholab, ularning kelajakda ham faol qatnashishiga ishonch bildirdi.
