Termiz garnizonidagi harbiy qismlardan birida buyuk sarkarda Amir Temur tavalludining 690 yilligiga bag‘ishlangan ma’naviy-ma’rifiy tadbir o‘tkazildi. Unda tarixiy meros va harbiy burch uyg‘unligiga alohida e’tibor qaratildi.
Tadbirda Termiz harbiy prokurorining o‘rinbosari, adliya podpolkovnigi A.Almardanov ishtirok etib, Amir Temurning davlatchilikni mustahkamlash, adolatli boshqaruvni ta’minlash va yurt tinchligini asrash yo‘lidagi ulkan xizmatlari haqida fikr bildirdi.
Uchrashuv davomida harbiy xizmatchilarga sohibqiron hayotidan ibrat olish, Vatanga sadoqat, intizom va mas’uliyatni yuksaltirish zarurligi ta’kidlandi. Badiiy chiqishlar va tarixiy lavhalar esa ishtirokchilarda milliy g‘urur va faxr tuyg‘ularini yanada kuchaytirdi.
Mutaxassislar qayd etganidek, bunday tadbirlar nafaqat tarixni yodga olish, balki yosh harbiylarning ma’naviy barkamolligi va yurtga sadoqatini mustahkamlashda muhim ahamiyat kasb etadi.
Sardor Bebetov,
Termiz harbiy prokurori yordamchisi, adliya katta leytenanti
