Hududlarda infratuzilmani yaxshilash va aholiga qulay sharoit yaratish bugungi kunning ustuvor vazifalaridan biri hisoblanadi. Shu maqsadda Oltinsoy tumanida yana bir muhim loyiha hayotga tatbiq etildi.
“Gulobod” mahallasida yangi ko‘prik foydalanishga topshirildi. Ochilish marosimida tuman rahbariyati, deputatlar va mahalla aholisi ishtirok etdi. Mazkur inshoot transport qatnovini yengillashtirib, fuqarolar uchun xavfsiz va qulay harakatlanish imkonini yaratadi.
Ko‘prik ishga tushirilishi bilan ichki yo‘llar o‘rtasidagi bog‘lanish yaxshilanib, ayniqsa, o‘quvchilar va nuroniylar uchun harakat xavfsizligi ta’minlandi. Bu kabi bunyodkorlik ishlari hudud infratuzilmasini rivojlantirib, aholining kundalik turmushini yanada yengillashtirishga xizmat qiladi.
