Iliq ob-havo sabab varrak uchirish holatlari ko‘paymoqda. Mutasaddi tashkilotlar fuqarolarni aeroportlar yaqinida bu mashg‘ulot bilan shug‘ullanmaslikka chaqirmoqda, chunki bu parvozlar xavfsizligiga jiddiy tahdid tug‘diradi.
Mutaxassislar ta’kidlashicha, baland ko‘tarilgan varraklar samolyotlarning uchish va qo‘nish yo‘laklariga tushib qolishi, hatto dvigatellarga zarar yetkazishi mumkin. Ayniqsa, mustahkam iplar texnik nosozliklar va favqulodda holatlarga sabab bo‘lish ehtimolini oshiradi.
Amaldagi qonunchilikka ko‘ra, aeroport atrofida varrak uchirish taqiqlangan bo‘lib, qoidabuzarlarga jarima yoki ma’muriy jazo qo‘llaniladi.
Shu bois, fuqarolardan varrak uchirishda xavfsiz hududlarni tanlash va belgilangan qoidalarga qat’iy rioya qilish so‘ralmoqda.
