Bandixon tumanidagi 1-sonli umumta’lim maktabida 2006-yil bitiruvchilari ishtirokida samimiy uchrashuv bo‘lib o‘tdi. Oradan yigirma yil o‘tib, ular o‘z maktablariga qaytib, zamonaviy doskalar va sport anjomlarini sovg‘a qildilar.
Mazkur uchrashuv ustozlar, sobiq bitiruvchilar va bugungi o‘quvchilarni birlashtirgan muhim ma’naviy ko‘prikka aylandi. Bunday tashabbuslar yoshlar uchun ibrat bo‘lib, ularda ustozlarga hurmat, ta’limga sadoqat va Vatanga mehr tuyg‘ularini mustahkamlaydi.
Shu bilan birga, bu kabi ezgu ishlar jamiyatda saxovat, birdamlik va “maktab — muqaddas maskan” degan qadriyatni yanada kuchaytirishga xizmat qiladi.
