Muzrabot tumanida “Tashabbusli budjet”ning 2025-yil 2-mavsumida g‘olib bo‘lgan loyiha asosida Fayziobod mahallasidagi 27-son maktabda zamonaviy sport infratuzilmasi barpo etildi.
Loyiha doirasida mini stadion, ochiq workout maydonchasi hamda yuvinish xonalari qurilib, foydalanishga topshirildi. Ushbu ishlar uchun jami 1 milliard 264 million so‘m mablag‘ yo‘naltirildi.
Natijada o‘quvchilar va mahalla aholisi uchun sport bilan muntazam shug‘ullanish, sog‘lom turmush tarzini shakllantirishga xizmat qiladigan qulay sharoitlar yaratildi. Yangi inshootlar hudud aholisining katta mamnuniyatiga sabab bo‘ldi.
