Qiziriq tumanining “Yangikent” mahallasida yashovchi Ra’no Tojiyeva o‘z mehnati va intilishi bilan ko‘pchilikka o‘rnak bo‘lib kelmoqda.
Ra’no opa xonadonida tashkil etgan issiqxonada bolgar qalampiri yetishtirib, bozorga sifatli mahsulot yetkazib bermoqda. Har bir qarich yerdan unumli foydalanib, tomorqasini barqaror daromad manbaiga aylantirgan.
Bundan tashqari, u pillachilik bilan ham shug‘ullanib, ipak qurti boqish orqali qo‘shimcha daromad topmoqda. Bu esa nafaqat oilaviy farovonlikni oshiradi, balki milliy an’analarimizni davom ettirishga ham xizmat qiladi.
Ra’no opaning ibratli faoliyati shuni ko‘rsatadiki, mehnat, sabr va izlanish orqali har bir xonadon barakali maskanga aylanishi mumkin.
