“Mirzo Ulug‘bek vorislari” respublika maqola va insholar tanlovi mamlakatimiz yoshlarining ilm-fan va tafakkurga bo‘lgan yuksak qiziqishini yana bir bor namoyon etdi. “Talabalar bahori” festivali doirasida Nukus davlat pedagogika institutida o‘tkazilgan final bosqichida 18 nafar iqtidorli yosh o‘z bilimini sinovdan o‘tkazdi.
Quvonarlisi, Termiz davlat universiteti talabasi Bunyodbek Normetov faxrli 1-o‘rinni qo‘lga kiritib, universitet sharafini munosib himoya qildi. Ushbu yutuq yoshlarning ilmiy salohiyati yuksalib borayotganini yaqqol tasdiqlaydi.
