Bugun Senatning 14-yalpi majlisida “Rieltorlik faoliyati toʻgʻrisida”gi qonun ma’qullandi. Ushbu hujjat, ayniqsa Toshkent shahrida uy-joy ijarasi va savdosida uchrayotgan muammolarni bartaraf etishga qaratilgan.
Qonunga ko‘ra, rieltorlar faqat rasmiy shartnoma asosida xizmat ko‘rsatadi, mijozlarga ko‘rsatgan uylarni o‘z nomiga rasmiylashtira olmaydi. Shuningdek, ularning malakasi tekshiriladi va faoliyati ustidan nazorat kuchaytiriladi. Xizmatlar elektron tizimlar orqali ochiq va shaffof tarzda amalga oshiriladi.
Mazkur o‘zgarishlar noqonuniy pul aylanishi va firibgarliklarni kamaytirish, eng muhimi esa ijara bozorida ko‘p hollarda zarar ko‘rayotgan oddiy fuqarolar manfaatlarini himoya qilishga xizmat qiladi.
