O‘zbekiston Respublikasi Prezidentining 2024-yil 28-martdagi PQ–141-son qarori asosida, Islom taraqqiyot banki ishtirokidagi “Qishloq joylarni kompleks rivojlantirish” loyihasi doirasida Muzrabot tumanida infratuzilma ishlari izchil davom etmoqda.
Loyiha doirasida “Darband” mahallasidagi 39-sonli maktab rekonstruksiya qilinib, qo‘shimcha 120 o‘rinli o‘quv binosi hamda 50 o‘rinli zamonaviy oshxona barpo etilmoqda. Hozirda qurilish ishlari jadval asosida olib borilib, binoning birinchi qavati tiklanib, ikkinchi qavat qurilishi davom etmoqda.
Mazkur yangilanishlar natijasida o‘quvchilar uchun zamonaviy va qulay ta’lim muhiti yaratiladi. Bu esa qishloq hududlarida ta’lim sifatini oshirish, yoshlarning bilim olish imkoniyatlarini kengaytirishda muhim ahamiyat kasb etadi.
