Qumqo‘rg‘on tumanining “Achamoyli” mahallasi aholisi uchun quvonchli kun bo‘ldi. Mahallada uzoq kutilgan yangi ko‘prik qurib bitkazilib, tantanali ravishda foydalanishga topshirildi. Mazkur ko‘prik mahalla aholisi uchun qulaylik yaratib, hududdagi qatnovni yanada yengillashtirishi bilan ahamiyatlidir.
Ko‘prikning ochilish marosimida tuman hokimi Farrux Xoliqov ishtirok etib, mahalla aholisini ushbu muhim voqea bilan samimiy tabrikladi. Shuningdek, ushbu ezgu tashabbus amalga oshishida faol ishtirok etgan mahalla faollari va aholi vakillariga minnatdorlik bildirildi. Yangi ko‘prik nafaqat yo‘l qatnovini osonlashtiradi, balki mahalla aholisi uchun yanada qulay va xavfsiz harakatlanish imkonini ham yaratadi.
