Surxondaryo viloyatida sud qarorlariga asosan umumiy qiymati qariyb 180 million so‘mlik kontrafakt mahsulotlar yo‘q qilindi. Ular orasida 6000 quti “Esse Change” tamaki mahsulotlari, turli dori vositalari va boshqa noqonuniy tovarlar bor.
Mazkur mahsulotlar sud tomonidan egasiz deb topilib, ularni yo‘q qilish bo‘yicha qaror qabul qilindi. Qaror ijrosi bojxona, majburiy ijro va adliya organlari hamkorligida amalga oshirilib, mahsulotlar belgilangan tartibda yoqib yuborildi.
Bu kabi choralar noqonuniy savdoning oldini olish, aholi salomatligini himoya qilish va ichki bozorni sifatsiz mahsulotlardan tozalashda muhim ahamiyat kasb etadi.
