Termiz davlat muhandislik va agrotexnologiyalar universitetida O‘zbekiston Milliy gerbariysining yangi filiali faoliyatini boshladi. Tantanali ochilishda mahalliy va xorijiy olimlar ishtirok etdi.
Markaz fondida hozirda 4 mingdan ortiq o‘simlik namunasi jamlangan bo‘lib, kelgusida ularni yiliga 10 mingtagacha yetkazish rejalashtirilmoqda. Barcha namunalar xalqaro standartlar asosida tartiblanib, raqamlashtiriladi va maxsus sharoitlarda saqlanadi.
Ushbu loyiha hududdagi o‘simliklar xilma-xilligini o‘rganish, noyob turlarni asrash hamda ilmiy tadqiqotlarni rivojlantirishda muhim ahamiyat kasb etadi.
