Surxondaryo viloyati hokimi Ulug‘bek Qosimov Muzrabot tumanida amalga oshirilayotgan qurilish ishlari va dasturlar ijrosini o‘rganish maqsadida hududga tashrif buyurdi.
Tumandagi 24-son umumta’lim maktabida o‘tkazilgan yig‘ilishda mas’ullar va pudratchilar ishtirokida “Qishloq joylarni kompleks rivojlantirish” loyihasi doirasidagi ishlar muhokama qilindi. Xususan, 15 ta mahallada infratuzilmani yaxshilash hamda qiymati 60,4 mln dollar bo‘lgan “Oqtosh–Poshxurt” ichimlik suvi loyihasining amalga oshirilishi ko‘rib chiqildi.
Shuningdek, “Fidokor” mahallasidagi 24-maktabda 192 o‘rinli binoni mukammal ta’mirlash ishlari davom etayotgani ta’kidlandi.
Yig‘ilish yakunida qurilish samaradorligini oshirish va muammolarni bartaraf etish bo‘yicha mas’ullarga aniq topshiriqlar berildi.
