Sariosiyo tumanida xorijiy qo‘shma korxona asosida tashkil etilayotgan sharbat ishlab chiqarish loyihasini qisqa muddatda ishga tushirish bo‘yicha aniq chora-tadbirlar belgilandi.
Tuman hokimi Odiljon Yaqubov Bo‘yrapusht mahallasida “Barff” MChJ tomonidan amalga oshirilayotgan loyihani ko‘zdan kechirar ekan, ishlarni jadallashtirish, ishlab chiqarish samaradorligini oshirish hamda tadbirkorlikni qo‘llab-quvvatlash yuzasidan muhim vazifalarni belgilab berdi.
Shuningdek, hududni obodonlashtirish va infratuzilmani yaxshilash masalalariga ham alohida e’tibor qaratildi. Ushbu loyiha nafaqat yangi ish o‘rinlari yaratishi, balki tumanning iqtisodiy salohiyatini oshirishda muhim ahamiyat kasb etadi.
