Termiz tumanidagi 17-sonli maktab boshlang‘ich sinf o‘qituvchisi Shahlo Rayimova “Agrobank” ATB tomonidan tashkil etilgan “Arzon” aksiyasi g‘oliblaridan biri bo‘lib, “Chevrolet Onix” avtomobiliga ega bo‘ldi.
2025-yil noyabridan 2026-yil fevraligacha davom etgan aksiyada minglab ishtirokchilar qatnashdi va yakunda respublika bo‘yicha 5 nafar g‘olib aniqlanib, ularga bosh sovrin sifatida avtomobillar topshirildi.
G‘olib ustozga mukofot viloyat Maktabgacha va maktab ta’limi boshqarmasida tantanali ravishda topshirildi. Ushbu e’tirof ayniqsa Navro‘z va Hayit bayramlari arafasida berilgani bilan yanada ahamiyatli bo‘ldi.
Bunday tashabbuslar ta’lim sohasi xodimlarini qo‘llab-quvvatlash, ularning mehnatini qadrlash va jamiyatda ustozlar nufuzini oshirishda muhim o‘rin tutadi.
