Surxondaryo viloyatida “Janub qalqonlari” harbiy-sport musobaqasining hududiy bosqichi yuqori saviyada o‘tkazildi. Unda oliy ta’lim muassasalaridagi “Qalqon” jamoalaridan 5 ta jamoa ishtirok etdi.
Ishtirokchilar kamondan otish, tosh ko‘tarish, harbiy estafeta, qurolni yig‘ish va ajratish hamda arqon tortish kabi shartlarda bellashib, o‘z mahoratini namoyish etdi.
Yakuniy natijalarga ko‘ra, Termiz davlat universiteti jamoasi 1-o‘rinni, Termiz davlat muhandislik va agrotexnologiyalar universiteti 2-o‘rinni, Denov tadbirkorlik va pedagogika instituti esa 3-o‘rinni egalladi.
G‘olib va sovrindorlar diplom hamda esdalik sovg‘alari bilan taqdirlandi. Mazkur musobaqa yoshlar o‘rtasida vatanparvarlik ruhini oshirish va harbiy tayyorgarlikni mustahkamlashda muhim ahamiyat kasb etmoqda.
