Surxondaryoda viloyatida jamoat xavfsizligini ta’minlash va jinoyatchilikning oldini olish maqsadida zamonaviy Situatsion markaz barpo etilmoqda. Ushbu markaz “xavfsiz shahar” tamoyili asosida sohada raqamlashtirish darajasini oshirishda muhim ahamiyat kasb etadi.
Viloyat hokimi qurilish jarayonlari bilan tanishib, ishlarni jadallashtirish hamda markazni barcha zamonaviy talablar asosida barpo etish zarurligini ta’kidladi. Shuningdek, unda ilg‘or axborot-kommunikatsiya texnologiyalarini keng joriy etish bo‘yicha mas’ullarga tegishli ko‘rsatmalar berildi.
Tashrif davomida mutasaddilar tomonidan Ichki ishlar boshqarmasining vaqtincha saqlash joyi qurilishi loyihasi yuzasidan ham ma’lumot berildi.
