Termiz shahrida turar joylar bilan bir qatorda aholi bandligini ta’minlashga qaratilgan ishlab chiqarish va xizmat ko‘rsatish loyihalari ham amalga oshirilmoqda.
Surxondaryo viloyati hokimi Ulug‘bek Qosimov “Surxon sohili” mahallasida “Temirchilik klasteri” qurilishi bilan tanishib, ishlar loyiha-grafigidan ortda qolayotganini tanqid qildi hamda qurilishni jadallashtirish bo‘yicha mas’ullarga topshiriqlar berdi.
Shuningdek, “Yangi Termiz siti” majmuasida olib borilayotgan qurilish ishlari ko‘zdan kechirildi. Ma’lum qilinishicha, 2026-yilda shaharda 13 mingdan ortiq xonadonga mo‘ljallangan 123 ta ko‘p qavatli uy qurilishi rejalashtirilgan.
Viloyat rahbari qurilishlarda me’yorlarga amal qilish, ortiqcha yuk ortgan yuk mashinalari harakatini tartibga solish hamda xususiylashtirilgan, ammo bo‘sh turgan obyektlarda yangi loyihalarni yo‘lga qo‘yish bo‘yicha mutasaddilarga vazifalar yukladi.
