2026-yil mart oyidan boshlab Majburiy ijro byurosining 208 ta tuman va shahar bo‘limi bodikameralar bilan ta’minlanadi. Ushbu qurilmalar ijro harakatlari jarayonida shaffoflikni ta’minlash va nizoli holatlarning oldini olishga xizmat qiladi.
Ma’lum qilinishicha, xodimlar bodikamerani doimiy ravishda taqib yurmaydi. U asosan tomonlar o‘rtasida qarshilik yoki kelishmovchilik yuzaga kelishi ehtimoli yuqori bo‘lgan vaziyatlarda qo‘llanadi.
Mazkur yangilik ijro jarayonlarida ochiqlikni kuchaytirish, fuqarolar huquqlarini himoya qilish hamda xodimlar faoliyatini huquqiy jihatdan himoyalashda muhim ahamiyat kasb etadi. Bodikameralar nizoli vaziyatlarda xolis dalil sifatida xizmat qilib, inson omili bilan bog‘liq turli talqinlarning oldini olishga yordam beradi.
