Poytaxtimizdagi Olimpiya shaharchasida yoshlar o‘rtasida 5-marotaba tashkil etilayotgan “Besh tashabbus olimpiadasi va Paralimpiadasi” loyihalarining tantanali ochilish marosimi bo‘lib o‘tdi.Oʻzbekiston Respublikasi Prezidenti Administratsiyasi mas’ullari, hukumat a’zolari hamda hamkor vazirlik va idoralar rahbarlari ishtirok etgan tadbirda yoshlarning bo‘sh vaqtini mazmunli tashkil etish, ularning iqtidor va qobiliyatlarini ro‘yobga chiqarish bugungi kunning eng dolzarb vazifalaridan biri ekani alohida ta’kidlandi.
Ma’lum qilinishicha, 2026-yilgi mavsum doirasida yoshlar o‘rtasida 23 ta turli tanlov va sport musobaqalarini o‘tkazish rejalashtirilgan. Ushbu loyiha yoshlarni sog‘lom turmush tarzi, ijod va raqobat muhitiga keng jalb etishi bilan ahamiyatlidir.
