Aholi o‘rtasida sog‘lom turmush tarzini keng targ‘ib qilish, jismoniy faollikni oshirish hamda to‘g‘ri ovqatlanish va zararli odatlardan voz kechish madaniyatini shakllantirish maqsadida Bandixon tumanida “Sog‘lom hayot uchun 5000 qadam” shiori ostida yurish marafoni tashkil etildi.
Tadbirda sportchilar, turli tashkilot va muassasalar xodimlari, ta’lim sohasi vakillari, yoshlar hamda nuroniylar faol ishtirok etdi. Marafon davomida jismoniy faollikning inson salomatligidagi o‘rni, kuchli immunitetni shakllantirish va sog‘lom hayot tamoyillariga amal qilishning ahamiyati targ‘ib qilindi.
Mazkur tashabbus aholining salomatligini mustahkamlash, jamiyatda sog‘lom turmush madaniyatini qaror toptirish hamda jismoniy tarbiya va ommaviy sportga bo‘lgan qiziqishni yanada oshirishga xizmat qiladi.
