Oltinsoy tumanida Muborak Ramazon oyi munosabati bilan ehtiyotmand aholi vakillari uchun ehson tadbiri tashkil etildi. Unda tuman hokimi Otabek Mavlyanov hamda jamoatchilik vakillari ishtirok etdi. Tadbir hududda istiqomat qiluvchi ehtiyojmand fuqarolarni qo‘llab-quvvatlash, ularga bayramona kayfiyat ulashish maqsadida o‘tkazildi.
Ehson tadbiri davomida fuqarolarga oziq-ovqat mahsulotlari va zaruriy ehtiyoj buyumlari topshirildi. Ishtirokchilar tomonidan bunday xayriya ishlari jamiyatda mehr-oqibat va hamjihatlik muhitini yanada mustahkamlashi ta’kidlandi.
Aholining ehtiyojmand qatlamini doimiy qo‘llab-quvvatlash, ularning muammolarini o‘rganish va amaliy yordam ko‘rsatish ishlari davom ettirilishi qayd ettiriladi.
