Ramazon oyi — mehr-oqibat, xayru saxovat va hamjihatlik oyi. Bu muborak kunlarda aholining ijtimoiy qo‘llab-quvvatlanishi, oilalar dasturxonining to‘kin bo‘lishi alohida ahamiyat kasb etadi.
Denov tumanida ana shu ezgu maqsadlarni ko‘zlab, arzonlashtirilgan savdo yarmarkasi tashkil etildi. Yarmarkada go‘sht va go‘sht mahsulotlari, un va un mahsulotlari, guruch, yog‘, shakar, sabzavot-poliz hamda boshqa oziq-ovqat mahsulotlari bozor narxlariga nisbatan arzonlashtirilgan holda aholiga taklif etilmoqda.
Mazkur tashabbus bozor narxlarini barqarorlashtirish, fuqarolarga qulaylik yaratish hamda Ramazon oyini xotirjam va barakali o‘tkazishga xizmat qilmoqda. Eng muhimi, bu kabi yarmarkalar Ramazonning saxovat va mehr ulashish ruhini yanada mustahkamlamoqda.
