Surxondaryo viloyati hokimi Ulug‘bek Qosimov Denov tumaniga tashrifi davomida “Said Otaliq” madrasasi va Mustaqillik ko‘chasi oralig‘ida tarixiy arxitektura dizayni asosida tun-u kun faoliyat yurituvchi turizm ko‘chasini barpo etish loyihalari bilan tanishdi.
Loyihaga muvofiq, ko‘cha bo‘ylab Denovning qadimiy arxitektura qiyofasi tiklanadi, madrasalar va boshqa tarixiy yodgorliklar restavratsiya qilinadi, atrof-muhit obodonlashtiriladi va sayyohlar uchun zamonaviy infratuzilma yaratiladi. Viloyat rahbari qurilish va ta’mirlash ishlarini bosqichma-bosqich tashkil etish hamda hudud infratuzilmasini modernizatsiya qilish bo‘yicha topshiriqlar berdi.
Loyiha Denovning tarixiy qiyofasini saqlab qolish, sayyohlik salohiyatini oshirish va mahalliy iqtisodiyot rivojiga hissa qo‘shadi.
