Bandixon tumanidagi 1-sonli Davlat maktabgacha ta’lim tashkilotida majburiy bir yillik ta’limni samarali tashkil etish, bolalarning maktab ta’limiga har tomonlama tayyorgarligini ta’minlash masalalariga bag‘ishlangan o‘quv-amaliy seminar bo‘lib o‘tdi.
Seminarda tarbiyalanuvchilarning psixologik, intellektual, jismoniy va ijtimoiy rivojlanishini ta’minlashda zamonaviy pedagogik metodikalarning o‘rni muhim ekani ta’kidlandi. Ta’lim jarayonida bilim berish bilan bir qatorda bolalarning ruhiy tayyorgarligiga alohida e’tibor qaratish, ularni mustaqil fikrlashga o‘rgatish ustuvor vazifa sifatida belgilandi.
Shuningdek, ota-onalar va maktabgacha ta’lim tashkilotlari o‘rtasidagi samarali hamkorlik bolalarning rivojlanishini mustahkamlashi, sifatli maktabgacha ta’lim esa jamiyat taraqqiyotining muhim poydevori ekani qayd etildi.
Mazkur seminar majburiy bir yillik ta’lim sifatini oshirish, bolalarni maktabga puxta tayyorlashga xizmat qilishi bilan ahamiyatlidir.
