Toshkent shahridagi Olimpiya shaharchasida boks bo‘yicha yoshlar o‘rtasida O‘zbekiston chempionati o‘z yakuniga yetdi. Qiziqarli va murosasiz bahslarga boy o‘tgan musobaqada yurtimizning eng iqtidorli yosh bokschilari g‘alaba uchun ringga ko‘tarildi.
Mazkur chempionatda Jarqo‘rg‘onlik bokschi Asilbek Abdusamadov 80 kg vazn toifasida munosib ishtirok etib, finalgacha yetib bordi va natijada faxrli 2-o‘rinni egallab, kumush medal sohibiga aylandi.
Asilbek Abdusamadovning ushbu yutug‘i yoshlar sportini rivojlantirish, iste’dodli sportchilarni qo‘llab-quvvatlash borasida olib borilayotgan tizimli ishlarning amaliy samarasidir.
