Termiz shahridagi Yoshlar markazida O‘zbekiston bolalar tashkiloti tomonidan “Bolalar harakati” viloyat bosqichi bo‘lib o‘tdi. 15 ta tuman va shahardan 135 faol o‘quvchi to‘qqizta yo‘nalish bo‘yicha o‘z taqdimotlarini namoyish etdi.
Tanlov yakunida eng munosib 9 nafar nomzod viloyat sardorlari etib saylandi va ularga “Ishonch yorlig‘i” hamda esdalik sovg‘alari topshirildi. Sardorlar bolalar tashabbuslarini ilgari surish va jamoat ishlarida faollik ko‘rsatish orqali minglab tengdoshlariga rahbarlik qiladi.
Yangi viloyat sardori Nozima Xurramova ishonchni oqlashga va bolalarning fikr, orzu va kelajagi uchun mas’uliyatni bajonidil bajarishga va’da berdi.
