Yoshlarning bandligini ta’minlash va ularni kasbga yo‘naltirish borasidagi vazifalar ijrosi doirasida Surxondaryo viloyati hokimi Ulug‘bek Qosimov shahar va tumanlardan taklif etilgan 150 nafar ishsiz yosh bilan uchrashuv o‘tkazdi. Unda mutasaddi idoralar hamda oliy ta’lim muassasalari rahbarlari ishtirok etdi.
Uchrashuvda yoshlar bilan ishlash samaradorligini oshirish, mas’ul rahbarlar javobgarligini kuchaytirish masalalari muhokama qilindi. Viloyat hokimi har bir yosh bilan individual suhbatlashib, ularning qiziqishlariga mos kasbga yo‘naltirish va bandligini ta’minlash bo‘yicha mas’ul rahbarlarni biriktirdi.
Shuningdek, professional ta’lim muassasalari faoliyati tahlil qilinib, texnikumlarga yetakchi korxonalarni biriktirish hamda dual ta’lim tizimini samarali joriy etish yuzasidan aniq topshiriqlar berildi.
