O‘zbekiston Respublikasi prokuratura organlari xodimlari kuni munosabati bilan Termiz shahrida tantanali tadbir tashkil etildi. Unda Surxondaryo viloyati hokimi Ulug‘bek Qosimov ishtirok etib, prokuratura tizimi xodimlarini kasb bayrami bilan tabrikladi.
Tadbirda Yangi O‘zbekistonda amalga oshirilayotgan islohotlar jarayonida qonun ustuvorligini ta’minlash, fuqarolarning huquq va qonuniy manfaatlarini himoya qilishda prokuratura organlarining o‘rni beqiyos ekani alohida ta’kidlandi. Bu mas’uliyatli vazifalarni bajarishda soha xodimlarining professional mahorati, fidoyiligi va Vatanga sadoqati muhim ahamiyat kasb etishi qayd etildi.
Tantanali marosimda halol va samarali mehnati bilan ajralib turgan bir guruh prokuratura xodimlari viloyat hokimligining faxriy yorliqlari va esdalik sovg‘alari bilan taqdirlandi. Shuningdek, tizim faxriylari e’zozlanib, ularga chuqur minnatdorlik bildirildi.
