Surxondaryo viloyatining olis va chekka hududlaridagi umumta’lim maktablarida xorijiy tillardan onlayn darslar yo‘lga qo‘yildi. Ushbu tashabbus Prezident qarori hamda Maktabgacha va maktab ta’limi vazirligi topshiriqlari ijrosi doirasida amalga oshirilmoqda.
Loyiha doirasida xorijiy til mutaxassislari yetishmaydigan maktablarga zamonaviy elektron doskalar o‘rnatilib, Termiz davlat pedagogika instituti professor-o‘qituvchilari va talabalari tomonidan masofaviy mashg‘ulotlar olib borilmoqda.
Mazkur loyiha ta’lim sifatini oshirish, chekka hududlardagi o‘quvchilar uchun teng va zamonaviy bilim olish imkoniyatini yaratishga xizmat qilmoqda.
