Termiz tumani Yangiariq hududidagi beshta mahallada infratuzilmani yaxshilashga qaratilgan keng ko‘lamli ishlar olib borilayotganidan xabaringiz bor.
Mahallalarda elektr va ichimlik suvi tarmoqlari yangilanmoqda, ehtiyojmand oilalar xonadonlari ta’mirlanmoqda, ichki ko‘chalar obodonlashtirilmoqda. Shuningdek, yo‘llarni ta’mirlash, salomatlik va ijtimoiy yo‘laklar barpo etish hamda markaziy ko‘chalarga zamonaviy tungi yoritish chiroqlarini o‘rnatish rejalashtirilgan.
Mazkur ishlar natijasida Yangiariq hududidagi mahallalar “Yangi O‘zbekiston qiyofasidagi mahalla” tamoyillari asosida obod va aholi uchun qulay maskanga aylanishi ko‘zda tutilgan.
