Oltinsoy tumanining Paxtakor hududidagi “Oltinsoy chavandozi” fermer xo‘jaligining g‘alla maydonlarida zamonaviy yomg‘irlatib sug‘orish texnologiyasi bosqichma-bosqich joriy etilmoqda.
Ushbu texnologiya suvdan samarali foydalanish, hosildorlikni oshirish va mehnat xarajatlarini kamaytirishga xizmat qiladi. Ayni paytda sug‘orish tizimlarini o‘rnatish va ishga tushirish ishlari olib borilmoqda.
Yangi usulni qo‘llash qishloq xo‘jaligida ilg‘or tajribalarni keng joriy etish va barqaror rivojlanishni ta’minlashga qaratilgan.
