Surxondaryo viloyati Pedagogik mahorat markazida PIRLS xalqaro tadqiqoti doirasida “O‘qish savodxonligini baholash va rivojlantirish” mavzusida trening tashkil etildi.
Treningda ta’lim tizimining xalqaro baholash dasturlaridagi ishtirokning ahamiyati, xususan, boshlang‘ich ta’lim sifatini oshirishda PIRLS tadqiqotining muhim o‘rni haqida to‘xtalib o‘tildi. Mashg‘ulotlarda viloyat umumta’lim maktablaridan 53 nafar boshlang‘ich sinf o‘qituvchisi hamda 8 nafar mentor-o‘qituvchi ishtirok etmoqda.
Mashg‘ulotlar davomida PIRLS tadqiqoti natijalari asosida ishlab chiqilgan ilmiy-amaliy yondashuvlar, o‘quvchilarda o‘qib tushunish ko‘nikmalarini rivojlantirish usullari, shuningdek, ochiq manbalarda e’lon qilingan PIRLS matnlaridan ta’lim jarayonida samarali foydalanish masalalari atroflicha muhokama qilinmoqda.
