Mamlakatda infarkt va insultning oldini olishga qaratilgan “Infarkt va insultga qarshi kurashish” milliy dasturi joriy etiladi. Dastur doirasida aholi Davlat tibbiy sug‘urtasi hisobidan to‘liq tibbiy ko‘rikdan o‘tkaziladi.
Tekshiruvlar yakuniga ko‘ra, fuqarolar infarkt va insult xavfi bo‘yicha sog‘lom, o‘rta va yuqori xavf guruhlariga ajratiladi. Xavfi yuqori deb topilgan shaxslar uchun kasalliklarning oldini olishga qaratilgan profilaktika va reabilitatsiya choralari amalga oshiriladi.
Mazkur dastur yurak-qon tomir kasalliklarini erta aniqlash, asoratlarning oldini olish hamda aholining sog‘lig‘ini mustahkamlashga xizmat qiladi.
