Surxondaryo viloyati hokimi Ulug‘bek Qosimov Boysun tumanida 1-son politexnikum faoliyati bilan tanishib, kasbiy ta’lim va kasbga o‘qitish sohasidagi izchil islohotlar, qisqa muddatli o‘quv kurslari, “Vaucher” tizimi va dual ta’limning joriy etilishi samaradorligini o‘rgandi.
Viloyat rahbari yoshlar va ishsiz fuqarolarni kasbga o‘qitish va ularning bandligini ta’minlashni ustuvor vazifa sifatida belgilab, ta’lim yo‘nalishlarini mehnat bozori talablariga moslashtirish bo‘yicha tavsiyalar berdi.
Shuningdek, u 9-sonli oilaviy poliklinikaning yangi binosida shart-sharoitlar bilan tanishdi, shifokorlar bilan suhbatda “DMed” axborot tizimini to‘liq joriy etish, tibbiy xizmat sifatini oshirish va samaradorlikni yaxshilash muhimligi qayd etildi.
