Oltinsoy tumanidagi Bibizaynab mahallasi hududida qishloq xo‘jaligi sohasini rivojlantirish, aholi bandligini ta’minlash va oziq-ovqat xavfsizligini mustahkamlash maqsadida qator loyihalar hayotga tatbiq etilmoqda.
Jumladan, mazkur mahallada faoliyat yuritayotgan “SEEVEN-PLANEET” mas’uliyati cheklangan jamiyati tomonidan parrandachilik loyihasi yo‘lga qo‘yildi.
Loyiha doirasida zamonaviy talablarga javob beradigan parrandachilik inshootlari barpo etilgan bo‘lib, ishlab chiqarish jarayonlarida samaradorlik va sifatga alohida e’tibor qaratilmoqda. Korxonada mahalliy aholi uchun yangi ish o‘rinlari yaratilgani esa aholi daromadlarini oshirishga xizmat qilmoqda.
Tadbirkorlar uchun qulay shart-sharoitlar yaratish borasida ishlar izchil davom ettirilmoqda.
