Qumqo‘rg‘on tumanidagi “Ko‘ganli” mahallasi aholisini suv bilan ta’minlab kelayotgan ariq-kanalda fuqarolar tomonidan hashar yo‘li bilan betonlashtirish ishlari keng ko‘lamda olib borilmoqda. Mazkur tashabbus aholini sug‘orish suvi bilan uzluksiz va samarali ta’minlash, suv yo‘qotilishining oldini olish hamda ariq-kanalning texnik holatini yaxshilashga qaratilgan.
Hashar ishlarida mahalla aholisi, faollar, nuroniylar va yoshlar bir yoqadan bosh chiqarib ishtirok etmoqda. Ular tomonidan ariq o‘zanini tozalash, betonlashga tayyorlash, beton quyish va mustahkamlash ishlari bosqichma-bosqich amalga oshirilmoqda. Bu esa suvning oqimini tartibga solib, ekin maydonlari va tomorqalarga suv yetib borishini osonlashtiradi.
