Mamlakatimiz bo‘ylab start berilgan “Prezident archasi” tadbirlari Sariosiyo tumanida ham ko‘tarinki ruhda boshlandi. Tuman hokimligida tashkil etilgan bayram tadbirida 3 yoshdan 15 yoshgacha bo‘lgan ota-ona qaramog‘idan mahrum bo‘lgan bolalar hamda Vatan tinchligi yo‘lida jon fido qilgan xizmatchilarning farzandlari ishtirok etdi.
Tadbirda so‘zga chiqqan tuman hokimi Odiljon Yaqubov yig‘ilganlarni Prezidentimiz nomidan samimiy tabriklab, bolajonlarga Davlat rahbarining maxsus sovg‘alarini topshirdi. Ma’lumot o‘rnida, “Prezident sov‘g‘asi” tarkibidan 24 turdagi o‘quv qurollari va 34 xil shirinliklar o‘rin olgan.
Bayram tadbiri Qorbobo, Qorqiz va ertak qahramonlari ishtirokidagi teatrlashtirilgan tomoshalar hamda kuy-qo‘shiqlar bilan davom etib, bolajonlarga unutilmas quvonch ulashdi.
