Mamlakatimizda xalqaro fan olimpiadalarida yurtimiz sharafini munosib himoya qilgan iqtidorli o‘quvchilar va ularning fidoyi ustozlarini taqdirlashga bag‘ishlangan tantanali marosim bo‘lib o‘tdi.
Yil yakunlari bo‘yicha o‘tkazilgan ushbu tadbirda yuqori natijalarni qayd etgan bilimli yoshlar hamda ularni ushbu g‘alabalarga tayyorlagan murabbiylar moddiy va ma’naviy rag‘batlantirildi. Xususan, g‘oliblarga jami 13 milliard so‘m miqdoridagi pul mukofotlari topshirildi.
Bu kabi mukofotlar davlatimiz tomonidan ilm-fan va ta’lim sohasiga qaratilayotgan katta e’tiborning yana bir amaliy isboti bo‘lib, yoshlarni yangi marralar sari ruhlantirishga xizmat qiladi.
