Termiz davlat universitetining kimyo fakultetida xalqaro miqyosda yuqori nufuzga ega bo‘lgan Ganeshi Lal Agrawal University (GLA) professori, taniqli olim Anuj Kumar faoliyatini boshladi.
Professor hozirda kimyo mutaxassisligi 1-bosqich magistrantlariga — “Sirt yuzasi hodisalari va adsorbsiya”, 4-bosqich talabalariga esa “Kimyoviy jarayonlar termodinamikasi” fanlaridan zamonaviy dars metodlari asosida mashg‘ulotlar olib bormoqda.
Dars jarayonlarida sohadagi eng so‘nggi ilmiy yangiliklar, yutuqlar va dolzarb o‘zgarishlar talabalarga chuqur va amaliy misollar asosida yetkazilmoqda. Shuningdek, professor Kimyo fakulteti doktorantlari bilan uchrashuv o‘tkazdi.
